Er ógeðslega sár West Ham maður.

Ég er búinn að vera stuðningsmaður West Ham til margra ára og hef þurft að líða árasir, einelti og stríðni síðan ég var lítill polli. Þetta byrjaði allt saman þegar ég var 7-8 ára og mér varð á að biðja mömmu gömlu um að kaupa handa mér Arsenal búninginn en í þá daga var ég harður Arsenal maður,  en viti menn  mamma kemur heim með West Ham búninginn og ég krafðist svara en mamma sagði mér að hann Friðrik Ragnarsson sem á þeim tíma rak íþróttavöruverslun í Keflavík, sem jafnframt er mikill Man Utd maður, hann sennilega gerði það með ásetningi að telja henni trú um það að Arsenal búningurinn væri ekki til en þessi hérna væri nú nánast alveg eins og Arsenal búningurinn.   West Ham búningurinn kominn og ég síðan verið harðasti stuðningsmaður West Ham en ástæðan fyrir því að ég er ógeðslega sár er sú að ég hef heyrt um nokkrar ferðir Björgúlfs til London með fulla vél að sínum vinum og mönnum sem allt í einu eru orðnir svaka stuðningsmenn West Ham eftir að Björgúlfur og Eggert keyptu minn ástkæra klúbb sem ég hef alltaf litið á sem mitt þriðja barn, á tvo drengi fyrir.   Það var tildæmis farinn ferð í gær á leik West Ham-Wigan frá Reykjavíkurflugvelli,einkavél full af "STUÐNINGSMÖNNUM WEST HAM".   Það eru ekki þessir hörðu og sönnu stuðningsmenn West Ham sem fá að njóta eignarhalds Íslendinga á liðinu heldur einhverjir auðmenn sem varla vissu að liðinu og sennileg líta á þessar ferðir til Upton Park sem einhverjar sukk ferðir.  Dálítið sár út í Björgúlf að hann skuli ekki taka mig með í eina ferð eða svo, ég er meira segja tilbúinn að færa öll mín viðskipti yfir í Landsbankann í skiptum fyrir eina ferð til mekka boltans Upton Park.                                        Kveðja Einar Skaftason. Er í símaskránni Björgúlfur.

Athugasemdir

[Atli Hermannsson., 28.8.2007 kl. 14:09]

Ég gæti sem best trúað að þetta hafi frekar verið ferð fyrir "grúppíur" og aðrar smámellur í jakkafötum. Ég vissi heldur ekki af þessari ferð, en hef þó óslitið haldið með Hömrunum síðan 1966, er ég var 10 ára. Þetta er eins og við vitum stóra árið í sögu breskrar knattspyrnu -  og vitum hverjir skrifuðu þá sögu. ...... En kannski verður maður bara að bera sig eftir björginni... eða hreinlega að sleikja sig upp landganginn þegar næst verur farið.