Knattspyrnuheimurinn syrgir.

Hef ákveðið vegna þrálátra meiðsla að leggja knattskó mína endanlega á hilluna. Ég á mér langa og geysilega sigursæla sögu sem knattspyrnumaður með Höfnunum í gömlu 4. deildinni og með Leirunni og Mæðrasonum í utandeildakeppninni. Ég veit að menn munu leggja hart að mér að endurskoða ákvörðun mína en strákar það er kominn tími til að aðrir taki við keflinu. Hef legið í rúminu andvaka vegna nárameiðsla og er þetta orðið gott í þessu knattspyrnulífi en hver veit nema að ég endurskoði hug minn í næsta lífi. Hver veit hvað framtíðin beri í skauti sér, fitnesströll hver veit eða jafnvel maraþonhlaupameistari í öldungaflokki ég veit það örugglega að ég tapa ekki fyrir honum Ægi Geirdal stórvini mínum. Bið að heilsa öllum samherjum og andstæðingum góðum og slæmum og vona ég svo sannarlega að menn komist yfir þetta áfall sem knattspyrnuheimurinn þarf að horfast í augu við. Heitar kveðjur Einar Sk.

Athugasemdir

[Friðrik B, 30.1.2008 kl. 15:30]

Þvílík eftirsjá í eina mesta tæknitrölli sem komið hefur fram á Íslandi undanfarna áratugi. Þessi maður hefur komið víða við á sínum langa ferli. Hann hóf ferilinn auðvitað með yngriflokkum Keflavíkur og þótti mikið efni í góðan knattspyrnumann. En þegar hann varð eldri tók skemmtanalífið við knattspyrnuáhuginn minnkaði. En áhuginn á fótboltanum kom aftur og við tók langur en ekki svo farsæll ferill í fjórðu deild og utandeildinni með Höfnum,Leirunni og Mærðasynum. Hann þótti fjölhæfur leikmaður og gat hann spilað í marki, vörn og miðjunni en þótti ekki svo góður sóknarmaður. Ég varð einu sinni vitni af því þegar hann Einar skoraði frá eigin vallarhelmingi ur rangstöðu sem dæmt hafði verið á andstæðing okkar (Gerðist á Ármannsvelli einhverntíman á síðustu öld). Ég man líka eftir því eitt sinn að Einar rifbeinsbrotnaði og í mörg ár eftir það mátti ekki skjóta vinstra meginn við hann þegar hann var í marki. Ég held að hans besti árangur í knattspyrnu sé þriðja sæti í utandeildinni með Mæðrasynum. En eftir þennan frábæra feril í fótboltanum tóku kílóin að hlaðast utan á kappann en undanfarið hefur hann verið að gera stórátak í sínum málum og ætlaði að vera með "comeback" í mánudagsboltanum en nármeiðsli tóku sig upp og kallinn þurfti að hætta eftir að hafa átt stórkostlegan leik. Þvílíkur snillingur með boltann. Hann var allt í öllu, mataði samherjana og var sem klettur í vörninni. En ég hef trú á því að hann Einar verði með annað comeback áður en langt um líður og þá mega aðrir passa sig

Kv Rikki