Hræsnin frá Old Trafford.

Þetta eru ótrúlegir hræsnarar sem ráða ríkjum á Old Trafford.  Meðan þeir gagnrýna West Ham fyrir að leyfa ekki Tevez að fara og uppfylla sína drauma þá standa þeir í vegi fyrir því að Heinze uppfylli sína drauma.  Einhver góður maður sagði einhvern tímann að gott væri að koma fram við náungann eins og þú vilt að  hann komi fram við þig, en að sjálfsögðu er ekki sú stefna ríkjandi hjá Sir Alex Frekjuson.  Það ætti með réttu að taka þennan titil af honum, hann er enginn Sir ! allvega hagar sér ekki sem slíkur. Talandi um stuðningsmenn liðsins hér á landi, þekki mjög marga góða menn sem eiga það til að breyta sér í eitthvað sem erfitt er nefna.  En allt getur breyst með tímanum og jafnvel hinir verstu geta  breytt rétt og vona ég að stuðningsmenn og klúbburinn sem slíkur geri það. Kveðja frá verðandi mekka boltans Upton Park. Einar Sk.

Athugasemdir

[Rögnvaldur Hreiðarsson, 27.7.2007 kl. 13:42]

Merkileg andúðin sem þú hefur á Alex. Þráhyggjukennt finnst mér.

Eru þessi tvö mál sambærileg? Enginn efast um að Tevez er að fara frá West Ham og Eggert vinur þinn vissi það strax og fór bara að einbeita sér að því að fá peninginn. Í því máli er einfaldlega verið að finna út hver á að að fá aurinn. Allt annað er klappað og klárt.

Hitt er svo ekki nýtt undir fótboltasólinni að lið velji ekki selja leikmenn. Eða að ekki semjist um upphæð. Þér finnst það kannski frekja að menn standi við gerða samninga. Heinze er með samning sem enginn neyddi hann til að skrifa undir.

Þú talar um Alex eins og þú ættir þá að tala um Benitez. Benitez væri þá vondi kallinn af því að hann vil Heinze!

Skrýtið.

[Einar Skaftason., 27.7.2007 kl. 14:14]

Talandi um samninga! þá er Tevez á 4 ára samningi hjá West Ham. Sir Alex gerir ekkert annað en að hræra í leikmanni sem er samningsbundinn öðru félagi, sem er ólöglegt með öllu en einhverja hluta vegna þá er allt í lagi að Man Utd stundi þá iðju. Það er pirrandi að þeir geta hagað sér eins og einhverjir mafíósar og komast upp með það.  enginn þráhyggja á mínum bæ. Sjáumst í vetur Röggi. Einar Sk.

[Rúnar Nielsen (IP-tala skráð) 27.7.2007 kl. 15:02]

Það er eins og þú hafir ekkert vald á þráhyggju þinni um "mafíósa" liðið í noðri sé að "stela" leikmanninum af litla liðinu þínu, lögfræðingar man utd telja einfaldlega að MSI eigi eignarrétt á þessum blessaða leikmanni og bíður  því Alex þeim pening fyrir hann, ekki WH. West Ham hefur aldrei greitt krónu fyrir Tevez nema í laun, afhverju ættu þeir að fá pening fyrir hann til baka? Það er búið að sanna að WH ætti hann ekki með þessari sekt sem þeir fengu, sektin var jú útaf eignarréttur var hjá 3ja aðila;) ekki WH

[Einar Skaftason., 27.7.2007 kl. 15:41]

En kæri Rúnar, þá var eignarhaldi Kia afnumið til að leikmaðurinn gæti leikið síðustu 3 leikina fyrir West Ham sem og hann gerði. Allír pappírar og gögn lágu fyrir þannig að enska sambandið viðurkennti og staðfesti að öll gögn væru í lagi. Öðruvísi hefði hann ekki fengið leikheimildina.  Hvað gerist ef svo vill til að Eggert vinnur málið,  ef Tevez vill ekki vera áfram sem hann hefur reyndar aldrei gefið út sjálfur þá vona ég að Eggert selji hann frekar til Liverpool eða Chelsea. Að lokum hvað með Heinze málið?

[Einar Skaftason., 27.7.2007 kl. 15:43]

Ekki gleyma því að Eggert og félagar njóta 100% stuðnings enska sambandsins. Bestu kveðjur Einar Sk.

[Kristjánsson, 27.7.2007 kl. 19:20]

West Ham vilja auðvitað ekki "selja" Tevez því með brotthvarfi hans vita þeir að allur skíturinn kemur undan teppinu hjá þeim sem þeim tókst að fela þegar þeir sannfærðu Premier League um að þeir ættu orðið leikmanninn í apríl og fengu að endurskrá hann sem leiddi til þess að þeir héldu sæti sínu í deildinni.

Þetta er það skítugasta mál sem ég hef séð lengi og á eftir að verða enn skítugra.  Ef tjallinn hefði hreðjar á við ítalska knattspyrnumsambandið varðandi mútumálin þar í landi í fyrra þá yrðu West Ham felldir um 2 deildir þegar þetta Tevez dæmi kemst allt upp.  Svo er annað mál um hver í rauninn á frænda Tevezar, hann Mascherano blessaðan.  Minn skilningur á því er að hann sé í láni hjá Liverpool, frá West Ham sem aftur leigi hann af MSI.  Flest er nú vitleysan.

Varðandi Heinze þá er hann samningsbundinn Man Utd. eins og Rögnvaldur bendir á.  Man Utd vilja halda leikmanninum því þeir telja hann hafa rullu að spila hjá sér.  Og að selja hann til rakins keppinautar í toppbaráttunni væri nú ekki alveg það gáfulegasta sem þeir gætu gert.  Það er nokkuð ljóst að það er skref upp á við á ferlinum fyrir Tevez að fara frá West Ham til Man Utd en fyrir Heinze að fara frá Man Utd til Liverpool er skref niður á við.

[Gunnar (IP-tala skráð) 28.7.2007 kl. 13:53]

United vill eins og staðan er í dag vita hver á Tevez í raun og veru. Ef West Ham verður úrskurðaðir eigendur hans þá mun United auðvitað fara í samningaviðræður við þá. Ferguson og félagar hafa pappíra sem sýna að hann hafi einungis komið að láni til West Ham og því farið í samningaviðræður við KIA.

Í sambandi við Heinze  þá er mj0g eðlilegt að selja ekki til aðalkeppinautana leikmann sem styrkir þá. Og það er ekkert nýtt. 

[Somebody (IP-tala skráð) 28.7.2007 kl. 18:35]

Sammála Kristjánsyni